Qytetarët e Prishtinës edhe këtë vit po ballafaqohen me ndotje të lartë të ajrit.

Ndotja e ajrit është një nga kërcënimet më të mëdha mjedisore për shëndetin e njeriut, krahas ndryshimeve klimatike.

Shqetësime të mëdha kanë qytetarët e kësaj komune sipas të cilëve, ajri i ndotur po e vështirëson frymëmarrjen, duke ndikuar edhe në sëmundjet e zemrës.

Për Arbresh.info ata janë shprehur se ajri i ndotur është një rrezik permanent dhe, sipas tyre ndezja e stufave dhe termocentralet Kosova A dhe Kosova B , po ndikojnë në cilësinë e ajrit.

“Prishtina është një ndër vendet më të ndotura, kontribuuesit më të mëdhenj janë qytetarët dhe termocentralet e Obiliqit. Ky ajër do të ndikoj mjaft shumë tek të rinjtë”, u shpreh një qytetarë.

Ata tutje janë shprehur se ajri i ndotur është duke ndikuar edhe në sistemin respirator dhe në sëmundjet e zemrës.

Kujtojmë se Prishtina shpesh gjatë viteve të kaluara është renditur në listën e vendeve me ajrin më të ndotur në botë./Arbresh.info/

Për më shumë ndiqeni videon në vazhdim.